Diabierna atardi a drenta informe di un accidente na altura di Sherwin Williams na Savaneta, mesora a dirigi un patruya na e sitio. Na yegada di e patruya a bin compronde cu aki ta trata di un accidente di cadena entre 3 auto unda e chauffeur di un Nissan Cube no a regula su velocidad ni a mantene distancia a bay dal tras di un auto y consecutivamente a manda esaki bay dal un otro mas su dilanti. Afortunadamente ningun hende a resulta herida.
