Den oranan di merdia e Centro di Operacionnan Maritimo di Guardacosta a ricibí un informe di e Cuerpo Policial di Curacao tocante dos turista Hulandes cu a perdi, un homber i un muhe. E dos hende a bay cana rond di Sint Willibrordus na Bandabou. Durante e canamento, nan a perde e caminda y nan mes no a por bolbe bek mas . Nan a tuma contacto cu polis pa duna nan ubicacion y pidi pa yudansa. Despues di e informe aki, polis a bay directamente na e lugar pa haña e turistanan, pero pa motibo di e tereno dificil, nan no a por topa nan. Asina, pa motibo di ta bira scur, Guardacosta a usa un helicopter. E personal na Hato a ser alerta prome y prepara pa bai Bandabou. Despues di un buscamento cortico, e dos turistanan a ser localisa y hisa abordo di e helicopter di Guardacosta. E homber y muhe a ser hiba bek Hato y entrega na personal di Polis, kendenan despues a hiba nan bek na nan lugar di keda.