Nos ta den un fin di siman y tambe dia di independencia di Merca, cu ta hopi popular na Aruba tambe, cu vuurwerk y comemento.
Pero prome nos ta corda riba nos hendenan y nos bon Dios, pa nos no lubida di gradici nos bon Dios.
Independencia of libertad ta hopi importante den tur hende nan bida.
Ta bon pa nos mes cuminsa pensa riba nos bida, y pone atención y cuminsa na gosa poco tambe di bida.
Caminda ta mustra cu no tin salida, ta corda riba bon Dios.
Pasobra semper Señor ta habri caminda pa nos por sigui.
Nos ta parti di e famia grandi di Dios, y esey ta algo grandi pa celebra cu ta un honor den nos bida.
Ki bunita ta di por a lanta tur mainta, habri wowo pa por gosa di otro dia mas den bida.
Hopi biaha nos ta keha riba loke nos tin, manera cu nos no tin nada.
Si nos wak bon tin hopi cos den bida cu por hasi nos hopi felis caba.