Awe nos ta bai gosa di e dia pa adora nos bon Dios y bise danki pa stima nos asina hopi cu Tata ta constantemente cu nos.
Nos mester por gradici nos bon Dios pa e dia nobo, cu nos por lanta ta hala rosea y gosa di tanto cos agradabel y bunita cu tin pa nos.
Bo por keda sin kere den Dios y bo por keda sin gradicie, pero bo mes lo ripara con cos lo bai den bo bida.
Tempo lo mustra bo ki bunita bida ta y cuanto cos agradabel por hasi riba cada dia.
Pesey ta consehabel pa hasi bon uso di cada dia, paso tempo no ta warda, y dia cu pasa jamas lo bolbe mas.
Tempo no tin forma, Tempo no ta warda, bai e ta bai.
Hopi biaha nos ta gusta custumbernan, sea cu ta bon of nan ta malo.
Mester corda si cu mas grandi nos ta bira, mas nos ta jega e tempo cu Señor ta warda nos.
Más nos mester pensa riba leynan di Dios.
E ora pa sigui su caminda no ta bin ora bo ta jong, pero pa majoria ora nos ta grandi.
Ta bisa zapato bieuw conoce e camindanan bon, pero den realidad di nos bida nos mester adapta nos mes segun e edad ta subi.
Basora bieuw conoce tur hoeki di cas, esey ta e tanto experencia cu nos ta hanja den bida.
Nos conoce bida hopi bon.