Dialuna mainta a drenta informe di un accidente cu hende herida na Shaba dilanti Do It Center, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un Daihatsu Terios yegando un zebrapad a para pa un dama crusa y un Toyota Camry a dal tras di e Terios. Debi na e impacto aki e dama sperando pa crusa a bula atras y a cay abao resultando herida. Na yegada di e ambulans nan a atende e dama peaton y a transporte pa hospital.