Polis a detene un persona pa agression, destruccion y menasa, mester a yama ambulans pasobra ela bira malo ora a detene!

Diamars mainta a drenta informe di cu tin un pelea entre dos ruman na un cas na Tanki Leendert, mesora a dirigi un patruya na e sitio. Na yegada di patruya nan a interveni mesora. A bay over na detencion pa menaza, agresion, bou influencia y destruccion. E ruman deteni a bira malo durante e detencion y a solicita presencia ambulans. No por a haya mesora un subfiscal na warda cu por a presenta e sospechoso cu tabata deteni. E caso a dura basta largo. E sospechoso a keda benta abou banda di auto di Polis pendiente e decision cu mester a tuma lugar. Paramediconan di ambulans a presenta y a atende e detenido y despues a hib’e hospital cu escolta policial. Ademas polis a confisca e biga cu a ser usa pa destruccion.

Share:

Leave a Reply

Your email address will not be published. Required fields are marked *