Tres sospechoso deteni den caso di tiramemto di diarason anochi cu a costa bida di Rayson E. Kelly.

Team di recherche di Santa Cruz a traha incansablemente y a pone man riba tres sospechoso relaciona cu e caso di tiramento na Stadion Nadi Croes/ Crismo Angela.

Ta trata di e dos hende homber cu ta ; W.R.D.T, naci na Aruba di 23 aña y A.K.M. naci na Aruba di 32 aña y muher J.M.L.G. naci na Aruba di 31 aña.

No ta descarta cu lo tin mas detencion pa cu e caso aki.

Cuerpo Policial Aruba ta keda haci un apelacion cu esun sa algo of a wak algo yama e tiplijn di polis cu ta 11141. Bo ta keda anonimo.