Diadomingo atardi a drenta informe di un incidente cu hende herida na Tanki Flip, mesora a dirigi tanto polis como ambulans na e sitio. Bomberonan tambe a presenta pa brinda ayudo. Na yegada di e patruya a bin compronde cu e joven femenino tabata coriendo un scooter y na dado momento e cadena a los y e motociclista a perde control dal abao riba caminda heridando su cara. Na yegada di e 2 ambulans nan a yuda lanta e joven atende y ambulans a transporte pa hospital.