Dialuna mainta a drenta informe di un accidente cu hende herida riba e brug bieuw di Balashi, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un Hyundai Tucson lo a slip riba e caminda muha y a bay dal riba e muraya di e brug. Debi na e impacto e chauffeur a resulta levemente herida. Na yegada di e ambulans nan a atende e victima na e sitio mes.
