Diasabra marduga a drenta informe di un accidente cu hende herida banda di Pacifico Paradera, mesora a dirigi tanto polis como ambulans na e sitio. Na yegada di patruya na e sitio a bin constata cu aki chauffeur di un auto Toyota Yaris a tuma un birada cortico sin duna preferencia na un motorciclista bayendo pabao. Esaki a causa cu e motociclista a dal den e auto y bay termina benta riba caminda resultando herida. Na yegada di ambulance na e sitio a atende cu e motorciclista herida y a transporte pa hospital pa mas tratamento.