Dialuna madruga a drenta informe di un accidente cu hende herida y un auto na candela na Tamarijn, mesora a dirigi tanto polis, bombero y ambulans na e sitio. Na yegada di e patruya a bin compronde cu aki ta trata di un accidente unda un chauffeur a perde control bolter cu auto y esaki a pega na candela pero e chauffeur mes a logra di sali for di e auto. Na yegada di e bomberonan mesora a conbati e candela rapidamente. Na yegada di e ambulans nan a atende e chauffeur y a transporte pa hospital.