Diasabra mainta a drenta informe di un accidente banda di Don Jacinto Restaurant na De La Sallestraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un auto stanciona riba e plenchi tera banda di e restaurant y a subi caminda sin a duna preferencia na e auto riba caminda y nan a dal den otro. Afortunadamente ningun hende a resulta herida.
