Diahuebs mainta a drenta informe di un accidente dilanti di Hooiberg Store, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un truck biniendo for di pabao pa bay bira na man robes a mal calcula e velocidad y distancia y a bira anto e auto Hyundai Accent cu tabata bini di pariba a bay dal fuertemente riba e truck den banda y hasta bir’e door di e impacto. Despues di e impacto e chauffeur di e Accent a purba baha pero a cay banda di e auto y a keda eynan mientras e chauffeur di e truck tambe a keda levemente herida. Na yegada di e ambulansnan a atende ambos chauffeur y a transporta e chauffeur di e Accent cu urgencia pa hospital.