Durante fin di siman a drenta informe di joyriding di e Hyundai Tucson color cora kima cu number A53799 y cu probablemente un conocido di e donjo lo a bay cu e vehiculo aki. Diamars merdia a drenta informe di cu e vehiculo aki a ser mira den Van Leeuwenhoekstraat cu 3 persona aden. Mesora a dirigi patruyanan na e area pero no a logra encontre. Un rato despues a drenta un otro informe cu a indica di a spot e auto aki na Tanki Leendert. Mesora patruyanan a ser dirigi y a logra para e vehiculo aki banda di Wendy’s. Mas patruya a bin yuda y den e vehiculo a topa 3 conocido di polis, polis a papia c nan y a core cu nan for di e sitio. Polis no por a haci nada otro cu laga nan bay ya cu no tin keho entrega pues e donjo a djies manda bisa telefonicamente pero nunca a yega na un di e wardanan pa entrega e keho! Polis a confisca e vehiculo si y hib’e na warda pone na disposicion di e donjo.
