Diadomingo madruga a drenta informe di un pelea formal na Bubali. Mesora a dirigi patruyanan na e sitio. Na yegada di e patruya a bin compronde cu aki ta trata di un pelea formal unda lo a agredi un persona cu hopi golpi na su cara. Polis a pidi presencia di ambulans na e sitio. Na yegada di e ambulans nan a atende e victima y a transporte pa hospital. Polisnan a busca den vecindario pa e agresor pero no a logra topa cun’e.
