Diasabra madruga a drenta informe di un accidente cu hende herida na De La Sallestraat, mesora a dirigi tanto polis como ambulans na e sitio. Na yegada di e patruya a bin compronde cu un dama no local a perde control y a bay dal riba un palo di lus cu un auto fia di un persona cu actualmente ta den exterior. Debi na e impacto e dama a resulta herida. Na yegada di e ambulans nan a atende y e personal di ambulans a bisa cu e mester paga pa e atencion y transporte pa hospital.