Diasabra anochi a drenta informe di un accidente cu hende herida na Palm Beach banda di e gasoline station. Mesora a dirigi tanto polis como ambulans na e sitio. Na yegada di e patruya a bin compronde cu un auto blanco lo a pasa dal e motorciclista y a sigui core bai. Na yegada di e ambulans nan atende e victima cu tabata herida na su pia y a transporte pa hospital. Polis mesora a logra haya e auto responsabel banda di fisherman hut y lo a detene e chauffeur cu tabata bao influencia y lo no tabata tin rijbewijs.