Campeonato fast pitch femenino a continua Aruba Bank Lady Tigers ta derota Jaguars Vitamin Water den e serie semi final

Campeonato fast pitch femenino di Aruba Softball Bond a drenta su recta final unda Aruba Bank Lady Tigers kende a clasifica number 2 lo hunga un best out of 3 contra Jaguars cu a clasifica number 3. Ganador di e serie aki lo enfrenta Eagles den un serie nobo di 3 wega pa determina kende lo reklama e titulo oficial como campeon di Aruba 2019. Aruba Bank a rally den bom di promer inning pa 2 careda y ta amplia esaki cu 3 careda mas den bom di 3 inning y ta suma 4 careda mas den bom di 4 inning. Jaguars a purba bin bek den wega anotando 1 careda den cabez di 3 inning y ta rally pa 3 careda mas den cabes di 5 inning. Boxscore final Aruba Bank Lady Tigers 11 careda, 11 hit, 3 error y ta laga 8 coredor na base. Jaguars Vitamin Water 4 careda, 6 hit, 3 error y ta laga 7 cordeor den circulacion. Mihor bateadornan pa Aruba Bank ta Gabriela Geerman y Yonina Sint Jago ambos di 3-2, Rudlyn Ras aportando na su propio causa di 3-2 un doblete mas 3 rbi, Nikkaela Jacobs di 4-2 cu 2 rbi, Shakkena Croes di 3-1 y Lissandra Geerman di 2-1 cu un doblete. Pa Jaguars a destaca na plato Milvienne Henriquez 3-2, Jean Marie Kock di 3-2 incuyendo un doblete y Lotte van der Bloorn di 3-2. Rudlyn Ras ta seya e victoria riba su nomber enfrentando 26 bateador lansando 27 bola, 56 strike pa un total di 83 pitch permitiendo 4 careda tras di 6 hit regalando un base por bola y ta propina 2 strike outs. Kathleen Emerenciana tambe ta bay e ruta completo pero mester conforma su mes cu e derota enfrentando 32 bateador tirando 34 bola, 68 strike pa un total di 102 lansamento. Kathleen a permiti 11 careda di cual 5 tabata limpi tras di 11 hit regalando 4 base por bola y ta propina 2 ponche. Aruba Bank ta pika arina 1-0 den e serie di 3 wega. Cu un victoria Aruba Bank lo pasa pa final mientras Jaguars mester di un victoria pa alarga e serie. Playoff semi final a la carga.

Share:

Leave a Reply

Your email address will not be published.