Awe ta dia di Señor y mane día habri nos tambe ta habri wowo y cuminsa nos dia cu un inmenso gratitud na nos bon Dios.
Awe nos kier bisa cu esun cu ta cu Hesus lo tin luz.
Den bida por tin luz y por tin oscuridad.
Nos tur lo por kies si nos kier tin luz of nos kier biba den oscuridad.
Den oscuridad por pasa hopi desgracia, por trompica kibra braza, bo lo no por organisa nada sin luz, bo no por cumpli cu bo trabou, bo no por mira drechi unda bo ta core.
Mientras cu si bo tin luz bo por hasi bo trabou, bo por cumpli cu bo debernan, bo por mira tur rond di bo.
Ora bo ta den un tunnel skur, esaki ta e parti skur den bo bida, mane nos mira poco claridad leuw aya ta trese speransa, un alivio, asina bida di hende ta.
Ora bo ta den skuridad bo ta infeliz, acaba y sin speransa.
Mane e luz habri pa bo, mesora bo ta cuminsa biba, hanja gana pa sigui lucha.