Oranjestad, 23 di oktober 2026 – Aruba Bank a organisa un Car Dealers Happy Hour special pa expresa su aprecio y gratitud na tur su partners pa nan confiansa, colaboracion y sosten continuo.

Durante e evento, e invitadonan a disfruta di un ambiente agradabel, bon compañia y momentonan special, brindando un excelente oportunidad pa fortalece e relacionnan y celebra e colaboracion entre Aruba Bank y su partners.

Como parti di e celebracion, Aruba Bank a sorprende e participantenan cu un rifa di premionan special, agregando un toke special y alegria na e anochi. Cu e iniciativa aki, Aruba Bank kier reafirma su compromiso pa sigui construi relacionnan duradero, basa riba confiansa, aprecio mutuo y colaboracion.

Aruba Bank ta extende un danki sincero na tur e car y bike dealers cu a forma parti di e evento y cu ta contribui na e exito di e colaboracion.