Dama cu a pasa pazuid di Brug di Madushi a ser ataca pa 2 choller cu bate di baseball!

Diamars mainta a drenta informe di cu un dama cu a bay traha banda di Misa di Noord pa “shortcut” mas liher a pasa banda pazuid di e Brug di Madushi pasando eynan ela ser ataca pa 2 choller cu bate di baseball, mesora a dirigi patruyanan di Noord na e sitio. Na yegada di e patruya no a encontra cu ningun hende pero si e sitio den mondi unda e chollernan ta drumi den e mondi sera scondi pa asina nan por move, ataca y bay sconde. Polis a bay banda di Misa di Noord unda eynan a topa cu e dama victima cu a declara cu ela ser ataca pa 2 choller un homber y un muher. E homber tabata color scur tabata tin su cara tapa cu un flanel blauw y cu short color di camouflage e mucha muher ta color cla bisti cu short cortico cu curazon riba dje y t-shirt blanco. Un patruya a keda vigila e lugar unda e chollernan ey ta keda y e otro 2 patruyanan a bay busca rond. Un rato despues a bin logra captura tur 2 sospechoso na altura di Centro di Bario Noord. Polis a detene nan y a bay warda di polis cu ambos. E team investigativo di polis tecnico y forensyco a bay na e sitio di e incidente.

Share:

Leave a Reply

Your email address will not be published.