Riba Caya Ing. Roland H. Laclé dama chauffeur a bira bay den caminda di Modanza sin duna preferencia causando un accidente y ta resulta herida

Diamars atardi a drenta informe di un accidente cu hende herida na e crusada di Caya Ing. Roland H. Laclé cu Modanza, mesora a dirigi tanto polis como ambulans na e sitio. Na yegada a bin constata cu un dama chauffeur biniendo for di pabao a bira na e crusada pa bay Modanza pero no a duna preferencia na trafico contrario y a causa di esaki e auto bayendo pabao a dal den banda di e dama su vehiculo. E impacto tabata uno fuerte cu a manda ambos vehiculo bira 180 grado prome cu nan a para. Ambulans apresenta na e sitio y a atende cu e dama chauffeur cu tabata herida acausa di e impacto na banda rechts unda e stuurwiel tabata. E chauffeur di e otro vehiculo tbt keha di dolor di cabes y tabata tini herida na su rudia pero no tabata desea asistencia medico.

Share:

Leave a Reply

Your email address will not be published.