![](https://www.awe24.com/wp-content/uploads/2020/04/00000.01_15_00_06.Still825-668x334.jpg?v=1587371258)
Diadomingo mainta a drenta informe di un kiebro y ladronicia na De Bontekoe na playa, mesora a dirigi patruya na e sitio. Na yegada a papia cu e donjo y a revisa video di camera di seguridad. Den e imagennan por a mira cla cu ta conocido di polis Chito Dirksz ta esun cu a comete e kiebro y ladronicia. Durante dia patruya atento a mira sospechoso den Elleboogstraat y a pare y detene. Dogcatcher a bini na sitio y a transporta e detenido pa warda di polis.