![](https://www.awe24.com/wp-content/uploads/2020/04/00000.00_06_54_03.Still885-1-668x334.jpg?v=1587571396)
Diaranson mainta a drenta informe di cu un persona lo a caba di sali for di un kiosko cu articulonan horta serca di Royal Plaza, mesora a dirigi patruya na e sitio. Na yegada a check rond di e kiosko y a ripara cu e ladron lo mester a drenta den dje y bay cu various articulo. Polis a buska den sercania y den Shellstraat a logra detene e sospechoso cu e articulonan horta riba dje. Dogcatcher a wordo pidi na e sitio pa asina por a transporta e detenido pa warda di polis.