Chauffeur a baha caminda dal palo di luz y ta bisa cu ta e auto a slip pero polis a nota cu ta su garganta a slip

Diasabra marduga a drenta informe di un accidente unda cu un auto lo a dal un palo di luz dilanti Bachue na Tanki Leendert, mesora a dirigi un patruya na e sitio. Na yegada di e patruya a bin compronde cu e chauffeur biniendo di p’ariba, pa motibonan desconoci a baha for di caminda y dal un palo di luz kibra, consecuentemente cu tur e wayanan di coriente a bin abao y e wayanan a cruza otro y tabata saca chispa di candela. Algun persona cu tabata na Centro di Bario Tanki Leendert cu a scucha e desordo di e impacto, a core bin pa wak si nan por yuda.

Nan a yama Polis pa informa nan di e incidente. Mientras cu tabata warda riba Polis, e chauffeur di e Toyota Yaris blanco a purba di start e auto y pa e core bay. Debi na e slanan riba e auto, e chauffeur no a logra den su intento. Na e sitio polis a pone e chauffeur supla y cual a sali negativo. Polis a detene e chauffeur pa a core bao di influencia di alcohol y ocasiona accidente. A yama personal di Elmar y tambe takelwagen pa presenta na e sitio.

Share:

Leave a Reply

Your email address will not be published.