Diasabra mainta a drenta informe di un accidente cu hende herida na Catiri, mesora a dirigi tanto polis como ambulans na e sitio. Na yegada di e patruya a bin compronde cu aki lo ta trata di un accidente unda cu un Nissan Murano preto lo a bay pasa un Suzuki cora net den un birada y e Suzuki a haye obliga di baha caminda pasa ranca un mata y despues bay dal un schoorpaal. Debi na e impacto aki tanto e chauffeur como e ocupante a resulta herida. Na yegada di e ambulans nan a controla e victimanan pero e ocupante no kier a bay cu ambulans mientras e chauffeur si mester a bay pa un control debi na e slanan interno cu e lo a ricibi. Riba e fotonan por mira con e stuurwiel a keda despues cu e chauffeur a dal su kashi di pecho riba e stuur. E Nissan Murano mes a sigui core bay.
