Dialuna madruga a drenta informe di cu tin un persona cu pata di cabra a bin forza un rolluik na un di e negoshinan di Certified Mega Mall, mesora a dirigi un patruya na e sitio. Segun e comerciante patruya a tarda pa yega y cu esaki no ta e prome biaha. Ademas e comerciante a alega cu ultimamente antisocialnan ta purbando drenta pa horta e ultimo luna aki como 10 biaha. Locual cu a pasa ta cu e guardia bon scondi a nota e sospechoso subi e trapi cu un pata di cabra den man. Como cu ela nota esaki ela para un di e vehiculonan militar cu net tabata pasando y a bati alarma. Pero como cu e sospechoso a ripara cu ela ser descubri ela move bay. Pero como cu e patruya a tarda ya polis no por a busca den vecindario pa gar’e.
