![](https://www.awe24.com/wp-content/uploads/2020/05/9236F7F1-530B-40CA-AC2A-C64699D4EC6B-668x334.jpeg?v=1589367339)
ORANJESTAD – Dialuna atardi Minister di Finansa, Asuntonan Economico y Cultura tabata na Club di Asociacion di Chines pa asina por a presencia e yegada di e promer container cu cuminda pa yuda comunidad den necesidad. Na momento cu COVID19 a haci su presencia na Aruba, e comerciantenan Chines a bin hunto pa asina colecta fondo pa por busca 2 container cu cuminda for di Hulanda pa asina por laga reparti esaki entre esnan den necesidad. Fundacion pa Nos Comunidad hunto cu otro organisacionnan caricativo lo bay distribui e paketenan di cuminda. Minister Xiomara Maduro ta gradici Asociacion di Chines pa e bunita gesto aki.