![](https://www.awe24.com/wp-content/uploads/2020/05/450651BE-2939-450C-B7AB-ABAD3098C78E-640x334.jpeg?v=1589463519)
Diaranzon anochi algun minuut prome cu e “Toque de Queda” a sosode un accidente banda di e veld di Sport Club United banda di e brug di Madushi, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu net despues di e birada pariba di e veld un auto cu lusnan fuerte bright lo a “blind” e chauffeur di e BMW y esaki no por a mira y a cay den un buraco y dal riba un baranca. Afortunadamente ningun hende a resulta herida.