Diaranzon mainta a drenta informe di un caso di menasa cu machete na Chilestraat, mesora a dirigi 2 patruya na e sitio. Na yegada di e patruyanan a bin compronde cu aki ta trata di un problema bieuw entre 2 bisiña y tabata tin unicamente batimento di boca so, pues nada di sacamento di machete pa otro. Polis a papia severamente cu ambos partido y a bisa nan bon cla pa nan stop cu e cos ey sino otro biaha detencionnan lo cay.
