Chauffeur coriendo cu velocidad halto a perde control baha caminda kibra un palo di lus y bay otro banda di caminda dal auto staciona.

Diadomingo anochi a drenta informe di un accidente basta fuerte y cu hende herida na e birada di Mabon, mesora a dirigi tanto polis como ambulans na e sitio. Na yegada di e patruya a bin compronde cu e chauffeur tabata bayendo nort cu un velocidad basta halto y cu pa un motibo desconosi a perde control baha caminda kibra un palo di luz bay otro banda y dal riba un auto staciona. E impacto tabata basta fuerte y e chauffeur a resulta herida. Ela haya sla na su pecho por mira esaki na e stuurwiel con esaki a keda tur dobla. E sla na e pecho como tambe un kap na cabez ta debi cu e no tabata tin faha di seguridad bisti. Na yegada di e ambulans nan a atende e chauffeur y a transporte cu urgencia pa hospital.

Share:

Leave a Reply

Your email address will not be published. Required fields are marked *