Aruba Bank ta yudabo maneha bo finanzas responsablemente

Den tempo incierto manera e situacion actual di Covid-19

Oranjestad – 28 di mei 2020 – E brote di Coronavirus a trece incertidumbre den nos economia y den nos manera di mantene nos mes. Durante e temponan incierto aki por ta cu bo mester traha menos, enfrenta caida den entrada o reduci bo oranan di trabao. Ta pesey ta importante pa maneha bo finanzas responsablemente y prepara bo mes.

E siguiente 5 pasonan por yuda como tips di cosnan cu bo por haci awor mes pa maneha bo finanzas, si ta posible, trata di pone algun placa un banda den caso di perdida o reduccion di entrada. Bo lo mester wak tambe ki gasto bo tin y averigua e mihor manera pa paga nan a corto plazo. 

Paso 1. Traha un presupuesto (budget) di emergencia

Paso 2 Sigui bo gastonan

Paso 3 Busca manera pa baha gasto

Paso 4 Considera spaar

Paso 5 Papia cu esnan cu bo debe

Aruba Bank ta urgi clientena pa bishita nos pagina y siña mucho mas con pa maneha bo asunto nan bancario na un manera responsabel. Klik riba e siguiente link pa mas informacion: https://arubabank.com/campaigns/bank-responsibly-pap y sigui e instrucionnan pa asina download e e buki di presupuesto como tip y guia pa maneha bo presupuesto.

Si bo tin problema pa paga bo hipoteca, credit card o recibo di utilidad pa motibo di perdida di trabao o entrada, anto comunica cu e companianan pa posible opcion di ayudo o plan di pago.

Yama nos Contact Center na 527-7777 durante ora di trabao, si bo mester discuti bo hipoteca, prestamo o pago di credit card, debi na perdida di trabao o entrada. 

Share:

Leave a Reply

Your email address will not be published. Required fields are marked *