![](https://www.awe24.com/wp-content/uploads/2019/10/5C315722-3A93-4028-88DF-4D3D5CC2DEB9-668x334.jpeg)
Diadomingo anochi despues di e carshow a drenta varios yamada di cu tin drifting tumando lugar na Centro di Barrio Brazil, mesora a dirigi un patruya na e sitio. Na yegada di e patruya a compronde cu eynan tabata tin un carshow eynan cu a termina caba y a bin topa cu un Honda Integra haciendo maniobranan peligroso memey di e hendenan cu ainda tabata eynan. Polis a bay atende cu e chauffeur y esaki no kier a haci caso y cu e ayudo di esnan presente a lanta contra e polisnan. Polis a hay’e ta pidi pa refuerzo di mas patruya pa atende cu e multitud. Na yegada di e refuerzo situacion a ser controla y polis a pidi takelwagen pa asina hiba e auto confisca na warda di polis. Despues polis a keda controla pa esnan presente bandona e sitio y pa nan sigui cu nan patruya.