Aruba Bank N.V. solidario cu Mi Voz ta Bo Voz a haci entrega di varios caha di comestibel

Oranjesad, 1 di juni, 2020–Aruba Bank a uni si mes na e Food Drive di Mi Voz ta Bo Voz, diadomingo, 31 di mei, 2020. E banco a haci entrega di caha di comestibel na bienestar di esnan den necesidad ariba nos isla.

Esnan cu lo ricibi e ayudo ta famianan socialmente desfavoreci na Aruba y esnan cu a haña nan mes den circunstancianan di bida particularmente dificil durante e pandemia di Coronavirus.

Segun Sharon Fränkel-de Cuba, Managing Director di Aruba Bank N.V.,  “ Nos ta den un situacion sin precedente. Hopi famia ta haña nan mes den circunstancia di bida extremadamente dificil. Aruba Bank ta sigui ayuda comunidad continuamente, manera nos a bin ta haci desde prome cu e pandemia. Nos ta gradici e organizadornan di  e Food Drive di Mi Voz ta Bo Voz pa trece companianan manera nos hunto y responde na necesidad di nos hendenan na tempo. “

Share:

Leave a Reply

Your email address will not be published. Required fields are marked *