Dienst Technische Inspecties ta anuncia cu tin cambio den relación cu e “Normal nobo”

Dienst Technische Inspecties ta anuncia den relación cu e “Normal nobo” cu tin cambio den nos servicio na balie entrante Dialuna 01 juni 2020 pa por cumpli cu e rekisitonan di hygiena y distanciamento social.
Orario lo ta di 7:45 am – 9:00 am exclusivamente pa clientenan di 60+.
Desde 9:00 am pa 11:30 am lo ta pa tur otro cliente y tambe di 1:00 pm-3:30 pm. Na e balie principal lo ser duna e siguiente servicionan;

  • Pa haci afspraak nobo pa keur vehiculo di motor – Registracion di auto
  • Overschrijving
  • Duplicaat
    Pa haci afspraak nobo pa keur vehiculo di motor mester presenta personalmente y cu e siguiente documento nan;
  • Registracion di e auto (obtenibel na SIAD)
  • Seguro valido
  • Pa pago: ta pidi pa haci uzo preferibel di “swipe”.
    Pa haci Registracion;
  • Mester tin e siguiente informacion di e vehiculo: *Vin nummer -color- bouwjaar- merk-model.
  • Mester trece e identificacion di e doño di e auto.(I.D, Rijbewijs of Paspoort).
  • No mester trece e vehiculo (si e ta den sistema), si e no ta den sistema si mester trece e vehiculo.
    -Registracion cu un keuringsbewijs valido ta costa: Awg. 5,-
    -Registracion pa un vehiculo nobo (Bouwjaar 2020) (ta ricibi 3 aña di vrijstelling)
    ta costa: Awg 5,-.
    -Registracion pa un vehiculo cu su keuringbewijs a caduca of cu no tin keuringsbewijs ta costa: Awg 50,-.
    Pa haci Overschrijving:
  • Vehiculo mester ta presente na D.T.I.
  • Mester tin registracion di e auto (SIAD) – Seguro valido pa e auto.
  • Overschrijving ta costa Awg. 10,-.

Pa haci Duplicaat:

  • Mester tin registracion di e auto (SIAD) – Seguro valido pa e auto.
  • Duplicaat ta costa Awg. 10,-.
  • No mester trece e vehiculo.
    E personanan cu tin afspraak caba pa keur auto a wordo yama door di DTI y si bo persona no a ricibi un yamada ainda por jama na Tel: 5845300 pa ricibi un fecha nobo, no tur hende nan telefon ta disponibel.
    Lo tin un “grace-period” te cu fin di Juni 2020 pa esnan cu tabata tin afspraak di keur of herkeuring desde e periodo di 17 maart 2020 te cu 29 mei 2020 cu nan lo por haya un fecha nobo. Esnan cu acudi después di 1 juli 2020 lo mester paga di nobo.
    Esnan cu a ricibi nan datum di afspraak pa keur tin cu presenta ariba e fecha y orario duna. Lo mester drenta na e banda di voertuigkeuringshal cu ta porta nr.3 pa entrega e documentonan.
    Reglanan vigente pa entrada.
    •Ta permiti solamente 1 miembro so di famia.
    •Persona nan cu sintomanan di COVID-19 of cu tin un malestar no ta ser permiti pa drenta. •Prome cu drenta mester haci man limpi cu handsanitizer.
    •Nos ta pidi pa tene e distanciamento social y para na e linea blauwnan cu tin marca den vloer y tambe para na e sticker di “Please stand here”.
    Por manda pregunta via nos email dti@setarnet.aw y Facebook page: Dienst Technische Inspecties. Por yama pa información na : Tel: 5845300.
    Den nomber di DTI nos ta pidi comprencion pa cu e ”Normal Nobo” y pa e tardansa di servicio cu lo por surgi pa motibo di tuma precaucion y ta spera di por conta cu e cooperación di Pueblo di Aruba.
    SIGURIDAD NA PROME LUGAR!
Share:

Leave a Reply

Your email address will not be published.