Bucuti & Tara Beach Resort ta haciendo Aruba limpi limpi!

E hotel ta expandiendo su programa di clean up pa asina limpia mas region di Aruba

EAGLE BEACH, Aruba – Mei 29, 2020- “Nos ta den e negoshi di naturalesa” Ewald Biemans ta conta “y e ta nos responsibilidad pa preservsa nos medio ambiente pa futuro generacion’’. Siguiendo e filosofia ki, ful e team di Bucuti & Tara Beach Resort ta constantemente buskando manera nan nobo pa contribui na nos isla y su medio ambiente. Durante un manager’s meeting recien, e idea pa expande Bucuti su beach clean up na otro area nan di Aruba, a wordo proponi door di Executive Housekeeper Mickael Mesker pa utiliza su team cu normalmente lo ta trahando pa un full house di huesped. Tur manager y nan team nan a dicidi di participa y e weekend ey mes e grupo tawata den Noord limpiando e caya y mondi banda di Misa di Noord. Ultimo weekend cu a pasa nan a haci un clean up di e area di Casibari y otro weekend nan lo escohe un otro area cu tambe ta den necesidad di un clean up intensivo.
Pa 25 aña consecutivo e team di Bucuti & Tara Beach Resort ta limpia Eagle Beach tur di tres diaranson di luna. Huesped nan mag di participa tambe. E esfuerzo aki a cuminsa manera parti di AHATA su programa “Sponsor a Mile” traha door di nan environmental committee unda mas cu 25 miya di e isla tawata wordo limpia door di miembro nan.
Bucuti & Tara su team a yena mas cu 50 saco di sushi den e area di
Noord. E resultado y diferencia nan cu por a wordo mira despues di e
clean up a inspira e team pa continua cu nan esfuerzo nan den otro
area nan di Aruba. “Nos ta aprecia e oportunidad nan brinda na nos
door di e resort cu a mantene nos emplea y e apoyo duna door di e
Gobierno di Aruba cu ta yudando cu subsidio pa asina nos por uza e
tempo aki pa por sigi yuda nos comunidad y e producto di turismo cu
nos ta depende di dje” Rik van den Berg e General Manager di e hotel ta conta.

De Palm Tours a generosamente ofrece pa yuda cu e proyecto door di duna transporte seguro y complimentario na tur empleado, adheriendo na nan mes un regla nan di seguridad y Bucuti & Tara Beach Resort su Protocol di Seguridad contra COVID-19.
Mas tocante Bucuti & Tara su programa ambiental:
Desde su apertura den 1987, Biemans y su team a logra haya mas certificado ambiental cu cualkier otro resort den Caribe. Nan certificacion nan ta inclui Green Globe Platinum, LEED Gold, ISO 14001, and TravelLife Gold. Nan a logra bira e prome CarbonNeutral® resort hotel den Noord Amerika. Preservacion ambiental semper tawata un passion personal y un filosofia cu e hotel ta adheri na dje y implementa.

Share:

Leave a Reply

Your email address will not be published.