Dialuna mainta a drenta informe di cu lo mester tini un adicto ambulante ta spray verf riba edificio di Censo y demas muraya den Schoolstraat y Wilhelminastraat, mesora a dirigi polis na e sitio. Na yegada a encontra diferente muraya cu a wordo sprayed riba dje cu verf u e palabranan “vota wat wel”. Bentana di edificio di Censo tambe a wordo spuit. Segun trahadornan di Censo un adicto ambulante a cana yega cu bleki di spray di verf y a cuminsa spray bentana y tambe muraya rond ora e tabata cana bay. Polis a encontra e Adicto den un Paris restaurant y a detene pa e acto cu ela hasi, a encontra e bleki di spray verf tambe den su pertenencianan y a confisca esaki.
