Diaranzon atardi a drenta informe di cu tin un auto sospechoso cu 4 hende aden banda di MFA Noord, mesora a dirigi un patruya na e sitio. Na caminda pa e sitio a drenta un otro informe di cu e auto aki a cuminza move den direccion pariba polis a desvia y a bay tras di e vehiculo aki y a logra para esaki na e entrada di Sabana Liber Villas. Ora polis a acerca e vehiculo a bin haya holor fuerte di marihuana polis a solicita refuerzo di otro patruya como cu den e vehiculo tabata tin 4 persona. Ora polis a controla e number esaki no tabata cuadra esnan den e auto no por a mustra e papelnan na ordo y a confisca esaki. Listrando den e auto a bin haya droga den e vehiculo un di e personanan a admiti cu esaki ta di dje. Eynan mes ela ser deteni y hiba pa presenta dilanti fiscal auxiliar pa keda deteni. E otro 3 hobennan a haya un scual formal for di polis y a advirti nan e consequencianan cu por surgi si nan sigui cu e rumbo robez ey.
