Homber sunu cu menos bon intencion riba e dak di Misa di Tanki Leendert

Dialuna mainta a drenta informe di cu tin un persona cu menos bon intencion riba e dak di Misa di Tanki Leendert, mesora a dirigi varios unidad policial y tambe bomberonan na e sitio. Na caminda pa e sitio a drenta informe di cu e persona aki no ta comportando normal y awor hasta e klok di e misa e kier purba subi. Na yegada di e patruyanan nan a rondona full e misa y a haci varios intento pa purba convence pa e baha pero e persona no a haci caso. Na yegada di bombero mesora polisnan a subi dak pa purba bay cerca e homber pero esaki a core den otro direccion y bula for di e dak pero na e parti menos halto y a cay abao y polisnan a bosha riba dje pa logra domin’e y boei e. Nan a solicita presencia di e vehiculo di transporte pa asina hib,e primeramente na warda di polis Oranjestad pa asina check ki sorto di yudanza e lo tabata tin mester. For di eynan a hibe hospital pa mas tratamento. Riba e video hunto cu e informe aki por mira e situacion.

Share:

Leave a Reply

Your email address will not be published. Required fields are marked *