Fundacion Proteccion Commandeurs Baai

Commission Commandeursbaai a tene un encuentro na Centro di Bario Savaneta diasabra ultimo, 6 di juni 2020, cu a bai den un bon ambiente. Nos ta satisfecho cu e cantidad di habitantenan cu a acudi na e invitacion. Nan ta mustra di ta preocupa cu locual ta pasa den nos bario. Un indicacion palpable cu encuentronan social den bario a bai perdi, pero tin cu lanta bek. Mester sigui yama encuentronan asina pa sa locual ta biba bao nos hendenan. Ta necesario ariba un base mas amplio vocifera opinion y tuma accion. A apunta un panel di 8 persona, Sr. Jerry Schwengle, Presidente, Sr. Salomon Koolman, Sr. Ryan Hernandis, Penning Meester, Sra. Mercedes Levenston, Secretaria, Sra. Desiree Paalman, Secretaria, Sra Vianca Arends, Miembro, Sr. Jeffrey Schwengle, Miembro, Sr. Gerry Koolman, Miembro. E president, Sr. Jerry Schwengle a duna un splicacion amplio con e situacion ta actualmente y pa tende e reaccion di e pueblo di Savaneta. Durante e reunion e enfoke principal tabata e proyecto nan pediente pa wordo ejecuta. Un di nan ta “Aruba Ocean Villas” A duna un splicacion di e carta di D.O.W. dirigi na Minister di Infra y e reaccion di e doño di proyecto “Aruba Ocean Villas” riba e tantisimo cartanan y avisonan di D.O.W. y DIP cu e doño a ignora completamente. E persona aki Sra. O. Henriquez ta persisti di sigui traha contra tur ley y rapport cu a pone den e cartanan di aviso na su persona pa pone un paro na su construccion. Sra. O. Henriquez no tin e permisonan legal y ta tuma tereno di gobierno sin autorisacion. Un otro preocupacion ta con e persona aki ta tapa e caminda di rooi di tal manera cu esaki por causa hopi daño di awa pasobra e ta tapa e pasada di awa natural cu no tin salida pa laman. E caminda ta tapa completamente door di piedra y santo. E commission cu sosten di pueblo di Savaneta lo kier pone presion pa haña sa pakiko DOW y DIP no a actua y desmantela locual ta poni den nan cartanan. Ta poni tambe cu si e Minister duna permiso, e Minister ta actua contra tur ley. Cu e cartanan aki den man ta bai protesta pa pone presion ariba e departamentonan pa tuma accion. Publico presente a mustra nan indignacion y nan ta dispuesto na sali y demostra. Ta basta y no lo tolera mas tin cu proteha locual nos tin. Lo exihi pa ehecuta e rapport manda pa Minister. Ta fiha un protesta pa Diasabra, 13 juni 2020, 5:00 PM cu lo Sali for di Centro di Bario Savaneta direccion pa Aruba Ocean Villas. Y e protesta ta: Con un minister contra tur ley por duna permiso? DOW, DIP y DNM. Unda nos ROP a keda? Tur saliña y mangrove ta protehi. Nos kier mira e permiso ei y ken a firma e permiso ei contra tur lei. Nos ta bai referi na e ultimo carta di DOW fecha 1 juli 2016 na unda desde juli 2015, DOW a cuminsa actua contra di e doño. E doño a sigui traha apesar cu DOW a stop su construccion varios biaha. Adhunto e diferente cartanan:

Share:

Leave a Reply

Your email address will not be published.