Diamars merdia, un poco prome cu 2’or, ta papia di un situacion un poco straño riba e caminda di Sta Cruz, net prome cu yega unda antes tabata Drive-In. E hendenan a bisa cu tin un pick-up para mey-mey di caminda y loke cu nan tabata haya straño ta cu e chauffeur no tabata reacciona. Mesora diferente persona, cu tabata rondona e auto, a yama Polis bisando cu hasta nan ta pensa cu e homber ta morto.
Na yegada di e patruya a haya un persona masculino cu a resulta di ta basta “cansa” tras di stuur. A detene e persona aki cu tabata sinta den e pick-up Toyota Hi-lux. A keda warda riba e dog catcher pa asina transporte pa warda di Polis unda e lo mester duna cuenta di su actonan.
