Jeep a bay atras pasa riba pia di jovencita, dal porta di cura benta riba un joven kap su cara

Dialuna atardi a drenta informe di un incidente cu hende herida na Esmeralda, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un incidente unda un jovencita lo a cende un Jeep cu tabata para den un garashi eleva y ora ela bay habri e porta di cura e Jeep a hala bin atras e jovencita a purba bay want’e e auto pero no a logra y e Jeep a bente abao y e wiel a pasa riba su pia, e Jeep a sigui bay dal e porta di cura cual a porta a bay cay riba cara di un otro persona y kap esaki lague na sangramento. E jeep a sigui bay y a dal un spaandraad di palo di luz kibra y finalmente dal riba cura di un cas otro banda di caminda. Na yegada di e 2 ambulansnan nan a atende ambos victima y a transporta nan pa hospital.

Share:

Leave a Reply

Your email address will not be published.