Oranjestad – 18 di juni 2020 – Durante fin di siman, Aruba Bank a haci un donacion na diferente cas pa nos grandinan aki na Aruba. Cinco (5) cas pa nos grandinan a ricibi un set di bingo cu cien (100) Carchi di wega y un variacion di basket yena cu premio for di Aruba Bank.
Cu e donacion aki, e banco ta yuda e institucionnan pa entretene nos grandinan cu ta den isolacion y no por ricibi bishita di amistadnan of famia, door di e situacion di Covid-19. Aruba Bank a haci algo extra pa asina nos grandinan sinti nan menos nan so y por tin algo adicional pa entretene nan mes.
Representantenan di Aruba Bank a haci entrega di e set di bingonan y e regalonan na Centro di Cuido na San Nicolas, San Pedro-Paviljoen, Huize Maristella, Fundashon Hospice Atardi y Stichting Thuiszorg Aruba.
Nos kier gradici tur voluntario pa nan tremendo trabou cu di un manera of otro ta duna un man pa yuda cuida nos grandinan.
