Diasabra anochi a drenta informe di un accident cu hende herida na dilanti Misa San Juan Pablo II na Tanki Leendert. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto Nissan March y un brommer. E chauffeur di e Nissan March lo mester a bira na man robez pa baha caminda sin duna preferencia na un scooter biniedo for di pabao. E motorcyclista no a logra kita pa evita e impacto y a dal den banda di e March y a resulta herida. Na yegada di e Ambulans nan a atende cu e victima y transporte pa hospital.
