Tristeza Na Hooiberg

Bucuti & Tara Resort su team ta continua cu nan clean up di varios area di nos isla y ta keda topa cu condicionnan espantoso

EAGLE BEACH, Aruba – Juni 8, 2020 – Bucuti & Tara Beach Resort su team ta continuando cu nan clean
ups di diferente area di nos isla tur weekend y dia 8 di Juni nan a haci un clean up di e area di Hooiberg
cu a laga nan asombra. Cuarenticinco empleado den total, tur arma cu saco di sushi extra grandi y cu
gratitud sincero pa e oportunidad di por haci un diferencia den un di e parti nan di mas bunita di Aruba,
a yega Hooiberg y a topa cu un escena cu a kibra nan curason.

“Sushi tawata tira tur caminda” Ewald Biemans a conta cu hopi tristeza, “nos esfuerzo pisa di 90 minuut, cu a solamente caba pasobra nos no tawata tin mas saco, a sinti manera nada compara cu tur e sushi cu nos no a logra di piki. Asina mes nos a yena ful un truck cu saco di sushi.”

Un reboot di “Aruba T’Ami”?

Den comienzo di aña nan ‘80, cu un poblacion creciente, pero na un escala mas chikito, e mes un situacion tawata pasando. Tawata tin sushi bandi caminda, sushi tira contra curanan di cas, nos beach nan di mas bunita tawata bombardia cu tur tipo di sushi… “Nos solucion na e momento ey tawata pa inspira un sentido di orguyo nacional pa nos isla y nos a cuminsa cu un campaña cu tawata yama ‘Aruba T’Ami’ ”, Biemans ta splika, “Nos tawata broadcast e mensahe aki na radio y otro medio di comunicacion. Hopi tawata te asta bisti e slogan riba t-shirtnan geprint.”

Ban demonstra orguyo di nos pais

Aunke e team ta purba di limpia lo mas posibel, nan esfuerzonan ta nifica nada si hende ta keda laga nan
sushi atras. Bucuti & Tara Beach Resort su team no ta solamente pidi publico pa haci limpi nan mes, pero
nan tambe ta pidi otro companianan local pa yuda nan esfuerzo door di sali nan mes cu nan
empleadonan pa yuda limpia y tene nos isla bunita. Nos por demonstra mundo con hopi ‘Rubiano ta
stima nan pais. Pa tipsnan tocante con bo compania por organiza nan mes un clean ups, tuma contact cu
Nathaly Stanley, e Sustainability Manager di e resort.

Share:

1 thought on “Tristeza Na Hooiberg

Leave a Reply to Sidney Cancel reply

Your email address will not be published. Required fields are marked *