![](https://www.awe24.com/wp-content/uploads/2019/10/C69DFB58-015F-4B77-A72A-2BFF80EF633E-668x334.jpeg?v=1572300127)
Diamars anochi a drenta informe di un caso di hincamento na un cas na Alto Vista, mesora a dirigi tanto polis como ambulans na e sitio. Na yegada di e patruya a bin compronde cu un señora a saca un arma blanco y hinca un homber cun’e na su pia. No ta conoci ki relacion e dos personanan aki tin cu otro. E causa di e hincamento tampoco ta conoci pa nos ainda. Ambulance a presenta na sitio pa asina brinda e victima asistencia medico, na final a transport’e pa hospital pa atencion medico avansa. Polis a detene e señora agresor y a transport’e pa warda pa asina e bay duna cuenta di su acto.