![](https://www.awe24.com/wp-content/uploads/2020/06/WhatsApp-Image-2020-06-28-at-7.36.23-PM-668x334.jpeg?v=1593394074)
Diadomingo atardi a drenta informe di un accidente cu hende herida na Macuarima. Mesora a dirigi polis y ambulans na e sitio. Na yegada di e patruya a bin compronde cu un auto bayendo direccion pariba lo a bira dilanti un brommer cu e no a logra mira ta bin pabao y e brommer a bay dal den dje. Na yegada di e ambulans nan a atende e motorciclista cu a haya sla na su pia y lomba, nan a atende y a transporte cu urgencia pa hospital. E tata di e motorciclista tabata altera y tabata kier pa polis bis’e ta ken tabata e chauffeur di e auto cu a dal su yiu. Pa evita mas escalacion polis no a bis’e ya cu den su furia e lo por a comete algo peor na e sitio. Aki ta trata di un accidente unda su yiu a resulta herida y pa evita cosnan di lamenta polis a sugirie pa e bay atende cu su yiu herida cu tabata den e ambulans. E no kier a tende di polis y como a insulta polis y no kier a razona e mihor opcion tabata pa a detene y hib’e Warda di Polis pa e calma. Poco a poco e tata a bin compronde toch pa e trankiliza y e no tuma ley den su man y cosnan bay for di man na e sitio. Unabez ambulans a stabiliza e victima cu tur momento tabata na tino pero cu hopi dolor y a transporte pa hospital.