Chauffeur burachi a ocasiona accidente, ela pone un pick-up bolter na Sabana Liber

Diadomingo anochi a drenta informe di un accidente cu hende herida dilanti di Wei Ming Supermarket na Sabana Liber, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Hyundai Accent cora A33726 bayendo pabao ta zwaai riba caminda y a bay dal riba e Ford Explorer pick-up A11792 bayendo pariba y manda esaki bolter den banda. E impacto tabata fuerte y ambos chauffeur a resulta levemente herida. Polis a nota cu e chauffeur di e Hyundai tabata bao influencia di alcohol y a detene y a hib’e na warda di polis pa test y despues pa laga ambulans pasa check e na warda. Na yegada di e ambulans na e sitio a atende e chauffeur di e pick-up na e sitio mes.

Share:

Leave a Reply

Your email address will not be published. Required fields are marked *