Diahuebs anochi a drenta informe di un caso di hincamento na Cura Cabay zuid, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso di hincamento unda un conocido di polis a ser hinca despues di un pleito cu discucion den voznan halto. Despues di a propina e hinca na e victima e sospechoso a bandona e sitio den un Nissan March berde. Ambulans na su yegada a atende e victima y a transporte cu urgencia pa hospital. A solicita presencia di e investigadornan technico y forensyco pa asina sigui cu e investigacion.
