Polis a pone un fin na fiesta yama “We fit” na Boegoeroei

For di oranan tempran polisnan tabata vigila y controla un fiesta yama “We fit” na Boegoeroei, un fiesta cu tabata tin cantidad di hende presente. Na varios ocasion polis a bisa nan pa tene e volume controla y no excede esaki. Na e fiesta aki a asisti hopi menornan di edad y na varios ocasion bisiñanan tabata yama pa reclama bochincha y pelea. Organisadornan di e fiesta priva a pone tur invitado para nan auto den e parkinglot di Compleho Deportivo Frans Figaroa pa evita cu Polis y bisiñanan haya sa unda e fiesta ta. Un persona a keda encarga den e parkinglot pa guia e invitadonan cu a paga nan carchi adelanta, y tabata transporta e invitadonan pa nan yega e cas di e fiesta priva. Pero pa banda di 1’or di madruga polis a bisa ta basta y e fiesta mester caba ya cu a drenta informe di bringamento den e barrio polis a percura pa ordo y trankilidad ser re-estableci den e vecindario.

Share:

Leave a Reply

Your email address will not be published. Required fields are marked *